نشر شبه إعلامي برهان بسيس تدوينة عبر حسابه الرسمي بالفيس بوك مفادها أن رئيس الجمهورية قيس سعيد قاعد يقوم بتدليس و يفبرك في الملفات لنهضاويين بش يرضى جماهير الحشد الشعبي و في ما يلي نص التدوينة التي نشرها عبر حسابه الفايسبوكي :
القضاة اللي عينهم قيس سعيد على رأس المجلس المؤقت هوما نفسهم القضاة اللي قالوا عليهم متاع البحيري ، لكن..
↔
الفرق الوحيد هو الصلاحيات الجديدة المطلقة للرئيس على هذا المجلس في ما يخص التعيين و العزل و النقلة و كل شيء تقريبا...
اليوم فما توجيه للرأي العام بقضايا وهمية و إيقافات تعسفية بدون سبب و أعتقد أنه تعويض عن القضايا الحقيقية التي ينتظرها الشعب...
يعرف قيس سعيد أنو غريزة فئة من الشعب (حشده الشعبي) تشيخ على هزان الناس للحبوسات كيف تقولهم علاش يقلك برافو المهم فولان دخل للحبس...نصبر على السميد و الفارينة و الروز و الزيت و غلاء الأسعار غير فولان دخلوه للحبس! البعض يشيخوا على الجو هذايا...
أنا خوفي أن تتم المراهنة إلا على الحكايات هاذي لتعويض المصاعب الحقيقية اللي تهم البلاد و مستقبلها...
هاكم شفتوا... عملنا طرح متاع شهرين كاملين سيب البحيري حط البحيري سيب البحيري حط البحيري سيب البحيري حط البحيري... حتى أصبحت قضية رأي عام و كأنها تتعلق بمستقبل البلاد.
بعد ماقالوا هذا قضاء البحيري و فما حقائق مزلزلة و أدلة تورط البحيري و فحصهم لهاتفه و هاتف زوجته بأحدث الأجهزة طلع في اللخر مافما شيئ يدينه كما يشاع... هذاكا علاش سيبوا البحيري و شدوا العميد عبد الرزاق الكيلاني اللي هو زادة ماعندو حتى تهمة...
هاذي الكلها أحداث مفتعلة قاعدة تهمش و تغطي على المواضيع الحارقة اللي يلزمها تتحل قبل ما تغرق البلاد.